Renaldo Salianji:” Aeroporti i Rinasit, ende rrethohet me drynë që kushtojnë 3 mijë lekë të vjetra!”
Grabitja e një sasie të konsiderueshme parash, në aeroportin e Rinasit, preku gjithë opinionin publik shqiptar por edhe atë ndërkombëtar. Gazetari Enio Civici, i kushtoi emisionin e së enjtes në mbrëmje, këtij fenomeni të përsëritur për të disatën herë tashmë, në vendin tonë. Si pjesë e panelit, për të diskutuar rreth kësaj teme, ishte dhe gazetari Renaldo Salianji, nga Klan Plus, i cili e ka ndjekur më nga afër ngjarjen në terren. Ai është shprehur se edhe pas grabitjes ende nuk janë marrë masa sigurie.
‘’Dera nga ku kanë dalë grabitësit vazhdon ende të qëndrojë e izoluar me tela të hollë alumini, të cilat janë lehtësisht të thyeshme, pa asnjë masë sigurie. Nuk mund të cilësojmë aeroportin e Rinasit, si një aeroport gjysëm ushtarak, meqë ulen dhe aeroportë të NATO-s, kur ai ende rrethohet me tela dhe drynë të cilët kushtojnë, vetëm 3 mijë lekë të vjetra!
Me video/Edhe pas vjedhjes së parave, aeroporti mbrohet nga një dryn që kushton vetëm 300 lekë
Posted by Argument on Thursday, April 11, 2019
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.