Si të krijoni kontakte në një organizatë?
Krijimi i njohjeve është çelësi i suksesit për të ardhmen tuaj. Kontaktet që krijoni janë shumë të vyera edhe nëse momentalisht nuk mendoni kështu, në të ardhmen do të kuptoni rëndësinë e tyre. Edhe ekspertët mendojnë se lidhjet e brendshme që krijohen që në ditët e para të punës janë çelësi për të zhvilluar karrierën tuaj. Më poshtë do të gjeni disa këshilla se si të arrini të zhvilloni rrjetin e njohjeve në punën tuaj, edhe nëse nuk jeni shumë tip i shoqërueshëm.
Pse duhen krijuar marrëdhëniet që në fillim?
Prezantimi i vetvetes në fillim kur të tjerët nuk ju njohin është shumë i rëndësishëm. Sigurisht që përshtypjet që ju dëshironi të lini janë nga më të mirat, kështu që është e rëndësishme që të prezantoheni si një individ që e pëlqen punën dhe mund të kontribuojë në shumë fusha. Kjo është nga mënyrat më të mira që të tjerët të krijojnë përshtypje të mirë ju.
Kë duhet të kontaktoni?
Fillimisht kontaktet që duhet të krijoni duhet të jenë në fushën tuaj por me shumë më shumë eksperiencë se ju. Lidhjet tuaja duhet të krijohen me njerëz që bëjnë të njëjtën punë me ju prej më shumë se një vit, sepse ata mund t’ju japin këshilla të vlefshme.
Si ta bëni funksional rrjetin tuaj të kontakteve?
Pavarësisht sa i rëndësishëm është krijimi i kontakteve, kur filloni një punë të re, ndoshta doni nuk duhet të harroni që edhe krijimi i reputacionit si një person që punoni shumë është i rëndësishëm. Kështu që nuk duhet të jeni gjatë gjithë kohës duke folur me njerëzit, për krijimin e kontakteve mund të shfrytëzoni kohën e pushimit.
Zgjeroni rrjetin e njohjeve në të gjithë kompaninë.
Edhe pse fillimisht kontaktet që do t’ju shërbenin janë ato brenda sektorit tuaj, është e rëndësishme të zgjeroni rrjetin tuaj edhe përtej departamentit apo sektorit ku ju punoni. Sa herë t’ju jepet për mundësi të tilla si një punë vullnetare brenda kompanisë në një sektor tjetër nga i juaji shfrytëzojini mundësitë.
Relaksohuni dhe lejoni rrjetin tuaj të funksionojë vetë
Krijimi i lidhjeve dhe kontakteve sigurisht që është i rëndësishëm në një ambient pune por përpiquni të ruani balancat pasi në ditët e para të punës nuk mund të fokusoheni vetëm në krijimin e kontakteve por edhe në krijimin e një reputacioni. Pasi nuk ju jepet kurrë një mundësi e dytë për të lënë një përshtypje të parë.
Viola Hydi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.