Rëndësia e planifikimit dhe menaxhimit strategjik në një kompani
Menaxhimi strategjik është një proces i vazhdueshëm i analizës strategjike, krijimit të strategjisë si dhe zbatimit apo monitorimit, i përdorur nga organizatat me qëllim ruajtjen e një avantazhi konkurrues.
Qëllimi i përgjithshëm i gjithë kësaj është kombinimi i energjisë së zonave funksionale të organizatës në një përpjekje të fokusuar për të arritur performancë më të lartë. Gjë e cila zakonisht bëhet nëpërmjet hapave të procesit.
Por sa i rëndësishëm është planifikimi strategjik?
Planifikimi strategjik përcakton vizionin, misionin dhe qëllimet e ardhshme të kompanisë. Identifikon strategjitë e përshtatshme për të arritur qëllimet dhe mënyrën se si këto qëllime duhen arritur.
Jo vetëm që përmirëson ndërgjegjësimin e ambienteve të jashtme dhe të brendshme por identifikon gjithashtu përparësinë konkurruese.
Ky planifikim është shumë i rëndësishëm pasi ndihmon në rritjen e angazhimit të menaxherëve për arritjen e objektivave të kompanisë. Përmirëson koordinimin e aktiviteteve dhe alokimin më efikas të burimeve të kompanisë.
Mesatarisht, kompanitë që përdorin menaxhimin strategjik janë më të suksesshme se kompanitë që nuk e bëjnë.
Por pavarësisht përfitimeve që sjell menaxhimi strategjik ka gjithashtu disa kufizime. Në raste të tilla shpenzimet e angazhimit janë më të mëdha, procesi është kompleks deh suksesi nuk është i garantuar.
Madje kjo është dhe arsyeja kryesore pse kompanitë të vogla e të mesme hezitojnë të kenë departamentet e tyre strategjike.
Modeli i menaxhimit strategjik
Përveç krijimit të komponentëve specifik të një modeli menaxhimi, shumë biznese ndjekin një qasje të përgjithshme e cila është disa fazore.
Fazat përfshijnë përvijimin e konceptit të planit strategjik, parashikimin e rezultateve të dëshiruara, rishikimin e gjendjes aktuale të biznesit etj.
Për shembull, një restorant me darkë mund të dëshirojë të rrisë të ardhurat e tij nëpërmjet shtimit të një biznesi ushqimor.
Pronarët do të projektojnë shitjet, do të vlerësojnë aftësinë e tyre aktuale për të drejtuar një kompani hoteliere, të krijojnë një plan biznesi për ta bërë këtë, të fillojnë biznesin hotelier dhe të bëjnë rregullime bazuar në rezultatet fillestare.
Prandaj zakonisht është një skuadër e tërë e ngritur e cila merret me planifikimin apo menaxhimin strategjik pasi secila prej fazave që kalon ky proces është shumë i rëndësishëm e nuk duhet të anashkalohet.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.