Rëndësia e trajnimit në biznes

Trajnimi paraqet një mundësi për të zgjeruar bazën e njohurive të të gjithë punonjësve por disa punëdhënësve i shohin si kosto mundësitë e zhvillimit.

Punonjësit gjithashtu humbasin kohën e punës gjatë ndjekjes së seancave të trajnimit, të cilat mund të vonojnë përfundimin e projekteve.

Por me gjithë të metat e mundshme trajnimi dhe zhvillimi i japin kompanisë në tërësi dhe punonjësve në mënyrë individuale aq shumë përfitime sa kostoja për punëdhënësit shndërrohet në të pa përfillshme.

Shumica e punonjësve kanë dobësi në aftësitë e tyre në vendin e punës. Kështu që një program trajnimi i ndihmon të forcojnë ato aftësi që secili prej punonjësve ka nevojë të përmirësojë.

Një program zhvillimi i sjell të gjithë punonjësit në një nivel më të lartë në mënyrë që të gjithë të kenë aftësi dhe njohuri të ngjashme.

Kjo ndihmon në zvogëlimin e lidhjeve të dobëta të brenda kompanisë të cilat mbështeten më shumë te të tjerët për të kryer detyrat themelore të punës.

Sigurimi i trajnimit të nevojshëm krijon një staf të informuar dhe të përgjegjshëm. Kjo i lejon punonjësit të marrin përsipër punët e njëri tjetrit sipas nevojës si dhe ndihmon për punën në grup.

Një punonjës që merr trajnimin e duhur është në gjendje më të mirë të kryejë punën e tij. Trajnimi i vazhdueshëm gjithashtu i mban punonjësit të avantazhuar ndaj zhvillimit të industrisë.

Një program trajnimi dhe zhvillimi i strukturuar siguron që punonjësit të kenë përvojë dhe njohuri të qëndrueshme.

Konsistenca është veçanërisht e rëndësishme për politikat dhe procedurat e kompanisë kjo përfshin sigurinë, diskriminimin dhe detyrat administrative.

Vendosja e të gjithë punonjësve në trajnime të rregullta në këto fusha siguron që I gjithë stafi të ketë të paktën ekspozim ndaj informacionit.

V.Hydi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.