Rënia e rasteve me Covid-19 – Rama: Shqipëria, në 2 vendet me më pak infektime në Europë në 2 javët e fundit

Shqipëria ka shënuar një rënie të ndjeshme të rasteve të reja me COVID-19 gjatë 2 javëve të fundit, ndërkohë që sipas kryeministrit Edi Rama, ne renditemi në 2 vendet e Evropës, me më pak raste infektimesh. Rama i referohet të dhënave të organizatës Our World in Data, për raportimet e kryera deri në datën 7 qershor.

“Në matjen globale të 2 javëve të fundit për uljen e rasteve të infektimeve, Shqipëria dhe Islanda figurojnë si 2 vendet me më pak raste infektimesh në kontinentin tonë “.

Sipas të dhënave zyratre nga Ministria e Shëndetësisë në 2 javët e fundit, ku përfshihet periudha 25 maj-7 qershor janë regjistruar në total 169 raste të reja me COVID-19, teksa 2 qershori shënoi rekordin pozitiv me vetëm 2 raste të reja të konfirmuara. Paralelisht me rënien e numrit të infektimeve të reja, është shënuar edhe një rënie e ndjeshme e rasteve aktive me infeksionin, për shkak të numrit të lartë të të shëruarve. Deri në datën 7 qershor, në të gjithë vendin numëroheshin 230 raste aktive, 60 prej të clëve në Qarkun e Tiranës. Në vendin e dytë me numrin më të lartë të rasteve aktive është Shkodra me 54 raste e më pas Berati e Korça me 33 dhe 25 raste.  Qarqet me më pak raste aktive janë Fieri dhe Dibra, me nga 2 raste secili. Rënie ka pësuar edhe numri i të shtruarve në spital, ku deri në datën 7 qershor trajtim spitalor po merrnin24 pacientë. Aktualisht, Shqipëria po vijon fushatën e vaksinimit për Covid-19, ndonëse ka një rënie të numrit të vaksinimeve ditore, në raport me muajt e mëparshëm.

25 MAJ 14 RASTE

26 MAJ 15 RASTE

27 MAJ 20 RASTE

28 MAJ21 RASTE

29 MAJ 12 RASTE

30 MAJ 12 RASTE

31 MAJ 6 RASTE

1 QERSHOR 22 RASTE

2 QERSHOR 14 RASTE

3 QERSHOR 9 RASTE

4 QERSHOR 12 RASTE

5  QERSHOR 2 RASTE

6 QERSHOR 5 RASTE

7 QERSHOR 5 RASTE

TOTAL: 169

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.