Rënia e tatimit mbi fitimin – 10-mujori 2017, rreth 4.2 miliardë lekë më pak se në vitin 2013
Ndryshimet në sistemin e taksimit, gjatë viteve të fundit nga qeveria, kanë dhënë efekte negative në të ardhurat e buxhetit të shtetit. Kjo sidomos pas rritjes së taksës së tatim fitimit të kompanive, të cilat tashmë dukët se iu kanë rënë të ardhurat.
Nga të dhënat zyrtare të Ministrisë së Financave rezulton, se të ardhurat nga tatimi mbi fitimin për 10 mujorin janë realizuar në vlerën 25.3 miliardë lekë. Por në vitin 2013 kur ky tatim ishte 10 për qind, të ardhurat në buxhet llogariteshin në vlerën 29.5 miliardë lekë. Ndërkohë po tu referohemi të dhënave të Ministrisë së Financave për 5 vitet e fundit rezulton se rënia më e madhe është shënuar në 2014 ku ishte dhe vlera më e ulët në 17.6 miliardë lekë, në 2015 u mblodhën 19.7 miliardë lekë, ndërsa në 2016 arritën në 23.9 miliardë lekë.
Rritja e ngarkesës tatimore duket se nuk solli stabilitetin e prishëm në buxhet, por edhe qëndrueshmërinë makroekonomike të vendit, pasi Shqipëria është një vend me fshehje të të ardhurave fiskale në vlerën afërsisht 40 % të Prodhimit të Brendshëm Bruto. Për këtë qeveria ndërmori aksionin ndaj informalitetit, i cili u zbatua më disa faza dhe në nivele të ndryshme të biznesit.
Lidhur me këtë gjatë këtij viti qeveria miratoi një paketë me lehtësi në procedura për biznesin. Ndërkohë që po zbatohet edhe një lloj “ amnistie” për detyrime të papaguara që sipërmarrja e i ka administratës fiskale.
Violeta Shqalsi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.