Rënie drastike e hyrjeve për vizita njëditore (-83,2%), pushime e qëllime shëndetësore! Por rriten hyrjet për arsye biznesi
Në muajin shkurt të këtij viti, Shqipëriaka njohur një rritje të numrit të hyrjeve, megjithatë konstatohen ndryshime të forta në qëllimet e hyrjeve. Referuar të dhënave të INSTAT, rezulton se vizitat njëditore në Shqipëri kanë shënuar një rënie drastike me 83,2 %.
Nga 4,444 vizita njëditore që ishin në muajin shkurt të 2017, në shkurtin e 2018 numri ka rënë në 746.
Me rënie janë edhe hyrjet që kanë si qellim pushimet. Rënia është me 24,4 % në muajin shkurt të këtij viti, krahasuar me muajin shkurt të vitit të kaluar. Nga 30, 652 hyrje në shkurtin e vitit 2017, në shkurtin e këtij viti numri ka rënë në 23,178 hyrje.po ashtu, rënia kanë shënuar edhe hyrjet që kanë si qëllim vizita te të afërmit apo hyrjet që qellime shëndetësore .
Ndërkohë hyrjet për qëllime biznesi kanë shënuar një rritje me 18,4 %. Nga 3,711 hyrje të shkurtit të 2017, këtë vit në shkurt janë shënuar 4,393 hyrje për këtë arsye.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.