Reshje dëbore në pjesën më të madhe të vendit – ARRSH informon mbi situatën e akseve rrugore
Autoriteti Rrugor Shqiptar bën me dije se në juglindje të vendit, në veri dhe në Qafën e Llogorasë ka pasur reshje të dendura dëbore pa sjellë probleme me qarkullimin e mjeteve.
Sipas njoftimit kontraktorët me mjete dhe me punëtorë janë në terren për të bërë pastrimin e akseve nga bora si dhe u bën thirrje drejtuesve të mjeteve që kalojnë këto akse të tregohen të kujdesshëm, të reduktojnë shpejtësinë dhe të zbatojnë sinjalistikën rrugore.
ARRSH njofton se në Fushë Arrëz-Kukës gjithashtu reshjet e borës nuk kanë pushuar dhe për këtë arsye mjetet borë pastruese po vazhdojnë punën për pastrimin e aksit.
Sipas ARRSH qarkullimi po vazhdon normalisht në të gjitha akset.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.