Reshje shiu dhe dëbore në Veri të vendit – ARRSH informon mbi situatën aktuale të akseve kryesore

ARRSH njofton se gjatë natës ka pasur reshje shiu dhe dëbore në Veri të vendit, por pa sjellë probleme me bllokimin e qarkullimit të mjeteve.

Sipas informacionit tw publikuar reshje dëbore ka pasur, në Qarkun e Kukësit në lartësi mbi 600 m, në Qarkun e Dibrës, si në Kuben-Vasije, Peshkopi-Qafë Drajë, në Qarkun e Shkodrës, si në Qafë Mali-Fierzë, Vau i Dejës-Pukë-Fushë Arrëz-Fushë Dukagjin por Kontraktorët kanë punuar gjatë natës me mjete borëpastruese për pastrimin e rrugës nga bora dhe shpërndarjen e kripës.

ARRSH apelon drejtuesit e mjeteve të bëjnë kujdes në lëvizje dhe të respektojnë sinjalistikën rrugore të reduktojnë shpejtësinë, të pajisen me zinxhirë dhe goma dimërore nëse udhëtojnë drejt akseve me prezencë bore dhe të ndjekin udhëzimet.

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.