Reshje të dendura në të gjithë vendin – ARRSH informon mbi situatën e akseve kombëtare (FOTOT)
Autoriteti Rrugor Shqiptar ka publikuar informacionin mbi gjendjen e akseve kombëtare pas reshjeve të dendura që kanë përfshirë gjithë vendin gjatë këtyre 2 ditëve të para të javës dhe muajit.
Sipas njoftimit në aksin Elbasan-Fushë Labinot ka pasur rënie gurësh, janë hequr menjëherë nga kompania e mirëmbajtjes pa sjellë probleme në qarkullim ndërsa në aksin e Valbonës, në Kuben-Vasije, në Kukës-Bushtricë dhe në Peshkopi-Qafë Drajë ka pasur rënie të inerteve në trup të rrugës, kompanitë e mirëmbajtjes po punojnë për pastrimin e plotë të aksit.
Sipas ARRSH qarkullimi vazhdon normalisht në të gjitha akset, por i bën thirrje drejtuesve të mjeteve të udhëtojnë me kujdes për shkak të reshjeve, të ulin shpejtësinë dhe të respektojnë sinjalistikën rrugore.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.