Reshjet e borës, ARRSH informon: Ja ku duhet të qarkulloni me zinxhirë! Bëni kujdes me gomat dhe shpejtësinë

Autoriteti Rrugor Shqiptar informon për gjendjen e akseve rrugore në vend.

Rajoni Verior

Në rajonin verior gjatë natës ka pasur reshje shiu dhe dëbore. Sipas ARRSH-së, qarkullimi në të gjitha segmentet e këtij qarku kryhet pa zinxhirë.

Në segmentin Kuben-Vasie, Qafë e Buallit-Krastë, Ura e Cerenecit-Qafë Dragalicë qarkullimi kryhet pa zinxhirë. Rekomandohet përdorimi i tyre në segmente të vogla, si pasojë e borës që sjell era në rrugë ARRSH njofton se kontraktorët e mirëmbajtjes janë në terren për të bërë të mundur pastrimin e të gjitha akseve.

Rajoni Qendror

Në rajonin Qendror nuk ka probleme në qarkullim e mjeteve. Rekomandohet përdorimi i zinxhirëve në segmentin Lunik-Steblevë, kontraktorët e mirëmbajtjes  po punojnë për pastrimin e plotë të të gjithë segmenteve të këtij Rajoni.

Rajoni Jugor

Reshjet e borës në Qarkun e Korçës kanë filluar në orën 4 të mëngjesit. Trashësia arrin deri në 15. Në segmentin Boboshticë-Dardhë reshjet vazhdojnë. Kalimi nga km 5 deri në 14 rekomandohet me zinxhirë për makinat e vogla.

Në segmentet e tjera nuk ka probleme në qarkullim. Sipas ARRSH-së, të gjithë kontraktorët janë në terren me mjete e punëtorë për pastrimin e akseve rrugore dhe monitorimin e situatës rast të përkeqësimit të motit.

Drejtuesit e mjeteve  të tregohen të kujdesshëm gjatë qarkullimit, sidomos gjatë orëve të para të mëngjesit dhe përgjatë natës, të reduktojnë shpejtësinë, të pajisen me goma dimërore dhe zinxhir, të respektojnë sinjalistikën dhe udhëzimet e Policisë Rrugore .

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.