Reshjet e borës kanë ndalur gjatë natës, ARRSH: Në disa akse duhet përdorur zinxhirë
Në të gjithë vendin reshet e borës kanë ndalur gjatë natës. Por pavarësisht kësaj temperaturat e ulta kanë krijuar ngrica në disa akse. Autoriteti Rrugor Shqiptar njofton mbi situatën aktuale të akseve rrugore në vend.
Në rajonin Verior segmentet që janë të me zinxhir, ose pjesërisht me zinxhir janë:
Domaj-Draj Reç
Ura e Cerenecit-Stebleve
Kuben-Vasije
Peshkopi-Qafë-Drajë
Peshkopi-Ushtelencë
Qafë Bualli-Krastë
Trebisht-Doganë
Në rajonin Qendror, ka përmirësime të situatës në akset e Dajtit.
-Në aksin nga Trau i Dajtit-Teleferik-Vilat Qeveritare rekomandohet përdorimi i zinxhirëve në disa segmente.
-Qafë Priskë-Shëngjergj rekomandohet pjesërisht përdorimi i zinxhirëve për shkak të prezencës së ngricave.
-Qafë Priskë-Qafë Mollë rekomandohet përdorimi i zinxhirëve.
-Qafë Mollë-Shëngjergj rekomandohet përdorimi i zinxhirëve për shkak të ngricave.
-Aksi Krujë-Sarisalltik rekomandohet pjesërisht me zinxhir.
-Lunik-Steblevë rekomandohet me zinxhir.
ARRSH njofton se në të gjitha rajonet dhe segmentet e tjera rrugore qarkullimi është normal, pa zinxhirë. Në të gjitha akset ku ka prezencë ngricash, është bërë shpërndarja e kripës nga ana e kontraktorëve.
Për shkak të temperaturave të ulëta, rekomandohen përdoruesit e rrugës të bëjnë kujdes, të lëvizin me shpejtësi të reduktuar, të vendosin zinxhir në akset ku kemi lajmëruar, të respektojnë sinjalistikën dhe udhëzimet e Policisë Rrugore.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.