Reshjet e borës në Korçë e Shkodër – ARRSH: Akset ku duhet të përdorni zinxhirë

Pavarësisht reshjeve të borës në disa zona të vendit, qarkullimi i automjeteve në akset rrugore të vendit kryhet normalisht sipas Autoritetit Rrugor Shqiptar.

Sipas këtij të fundit, janë një sërë aksesh ku qarkullimi kryhet normalisht në qarkun e Gjirokastrës, Vlorës si dhe Tiranës, ndërkohë, shton më tej se qarkullohet me zinxhir në qarkun e Korçës dhe atë të Shkodrës, për shkak të reshjeve të borës edhe gjatë natës.

Më konkretisht, qarkullohet me zinxhir:

• Rruga K/Boboshticë- Dardhë,
• Rruga Qafë Qarri-Ersekë
• Zalldardhë-Reç-Draj Reç
• Kryqëzim Domaj-Draj Reç
• Ura e Cerenecit-Steblevë, 20 km e fundit të aksit.
• Kuben-Vasie
• Trebisht-Doganë
• Qafë Bualli-Krastë

ARRSH u bën apel të gjithë përdorueseve të rrugës që të bëjnë kujdes duke respektuar sinjalistikën rrugore dhe udhëzimet e Policisë Rrugore.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.