Reshjet e dëborës – ARRSH: Akset rrugore ku duhet të tregoni kujdes

E ndërsa kanë nisur reshjet e dëborës në Veri dhe në Juglindje të vendit, Autoriteti Rrugor Shqiptar dhe Policia Rrugore apelojnë drejtuesit e mjeteve që të tregojnë kujdes maksimal gjatë qarkullimit, veçanërisht në akset rrugore Korçë-Voskopojë, Korçë-Dardhë dhe Korçë-Kapshticë.

Sipas njoftimit zyrtar të ARRSH-së, kompanitë e mirëmbajtjes kanë ndërhyrë dhe vazhdojnë punën për kriposjen dhe mbajtjen e rrugës të hapur. Aktualisht nuk ka probleme me kalueshmërinë e mjeteve, por ato duhet të qarkullojnë me zinxhirë.

“ARRSH dhe Policia Rrugore janë në terren ndërsa konsiderohet shumë e rëndësishme që drejtuesit e mjeteve të respektojnë sinjalistikën dhe udhëzimet e punonjësve të policisë ashtu sikurse gjatë orëve të natës të kenë akoma më shumë kujdes”, thuhet ndër të tjera në njoftimin e ARRSH-së.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.