Reshjet e dendura, raportimet e para flasin për probleme në zonat rurale – OSHEE, 600 punonjës në gatishmëri të plotë
Reshjet e dendura të shiut kanë nisur tashmë në të gjithë territorin e vendit dhe parashikimit për reshje në vlera 100 mm në 24 orë qëndrojnë ende, sidomos për qarqet e Fierit dhe Vlorës.
Në kuadër të masave të marra për përballimin e situatës, Operatori i Shpërndarjes së Energjisë Elektrike ka ngritur Grupin Qendror të Gatishmërisë.
Për kohën në vijim janë 600 punonjës në gatishmëri të plotë për të siguruar furnizimin me energji elektrike. Përparësi do t’i jepet mirëmbajtjes së linjave të furnizimit me energji elektrike të komunitetit dhe në mënyrë të veçantë të furnizimit të hidrovorëve, ujësjellësave të qyteteve dhe fshatrave si dhe eliminimin e nyjeve kritike të këtyre pjesëve të sistemit të rrjetit shpërndarës.
Nga raportimet e para mësohet se hidrovorët janë në punë, ndërsa probleme janë shfaqur kryesisht në zonat rurale.
Reshjet intensive pritet të sjellin vërshime të lumenjve dhe përmbytje urbane në varësi të gjendjes së kanalizimeve.
Operacionet në terren të OSHEE do të mbështeten edhe nga pushteti vendor, ndërsa operatori ka dhënë edhe numrat e shërbimit për rajonet ku pritet të hasen probleme.
Fieri – 0694143900
Vlora – 033426260/033407400
Tirana – 044528888/044505269/044505270
Durrësi – 052902222
Elbasani – 054243953
A.H./SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.