Reshjet të dendura në të gjithë vendin – ARRSH informon mbi gjendjen e akseve kombëtare
Autoriteti Rrugor Shqiptar ka njoftuar se gjatë natës kanë filluar reshjet në të gjithë territorin por pa sjellë probleme të mëdha me qarkullimin.
Sipas njoftimit ka pasur rënie materialesh në segmentet: Kukës-Ura e Zapodit, Librazhd-Elbasan, Elbasan-Gjinar, Skuraj-Burrel, ku është punuar për pastrimin e rrugës me mjete e punëtorë.
ARRSH njofton se aktualisht po vazhdon qarkullimi normal në të gjitha akset kombëtare dhe se kontraktorët janë në gatishmëri për përballimin e çdo situate që mund të paraqitet.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.