Rezart Prifti, në ‘Argument’ : ”Ekonomia shqiptare ka 30% të ardhura, më pak se viti i kaluar – Eshtë momenti kur duhet të kërkojmë alternativa të reja”
‘’Kush po vuan nga kriza politike në vend?’’- Kjo ishte tema në fokus, të enjten në mbrëmje, në ‘Argument’, ku pjesë e panelit ishte dhe pedagogu Rezart Prifti. Sipas tij, kriza politike në vend është krijuar pasi të gjithë aktorët politikë , të të dyja palëve, janë shkëputur totalisht nga realiteti, duke sjellë kryesisht dëme të mëdha në ekonomi. Prifti, deklaroi se ekonomia shqiptare ka 30% të ardhura më pak se viti i kaluar, dhe ky duhet të jetë momenti ku qytetarët duhet të kuptojnë se ka ardhur koha që të kërkojnë alternativa të reja.
Përsa i përket integrimit në Bashkimin Europian, Prifti thekson se objektivi që ne të hyjmë në Europë, bëhet pa menduar më parë , për rezultatet, dhe kjo sjell gafën më të madhe.
‘’Problemi është se integrim do të thotë shtet i fortë , shtet i fortë do të thotë ekonomi e fortë, ekonomi e fortë do të thotë treg funksional, dhe treg funksional do të thotë njerëz të edukuar, dhe në të gjitha këto hallka ne nuk kemi asnjë . Gafa që kjo shoqëri ka bërë gjithmonë , është fakti se si ngatërron objektivat me rezultatet. Duhet të fillojmë të nisimin realizimin e këtyre hallkave, pastaj të mendojmë për integrimin.’’ – është shprehur pedagogu Prifti, në ‘Argument’.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.