Rezervat e Kinës në valutë – Rriten në $3.118 trilionë, pavarësisht konflikteve tregtare

Rezervat në valutë të huaj të Kinës janë rritur papritmas në Korrik, pavarësisht shqetësimeve mbi luftën tregtare me Washingtonin, që ka shkaktuar luhatje në tregje.

Lëvizjet në zotërimet në valutë të huaj të Kinës monitorohen me detaje nga investitorët prej shqetësimeve për daljen e kapitalit, ndërkohë që rritja e tensioneve tregtare kanë goditur bursat dhe valutën. Rezervat u rritën me 5.82 miliardë dollarë në Korrik, në një total prej 3.118 trilionë dollarë, sipas të dhënave të Bankës Qendrore.

Rezervat për Korrikun tregojnë për ngurimin e Bankës Qendrore të Kinës për të ndërhyrë. Sipas analistëve, rritja e rezervave nuk nënkupton se banka ka blerë valuta për të ulur vlerën e juanit.

Kjo ka gjasa të reflektojë efekte të vlerësimit, prej rritjes së çmimit të obligacioneve që zotërohen nga banka. Luhatjet në aktivet financiare dhe ndryshimet në valuta përjashtuar dollarin, kanë sjellë rritjen e rezervave në valutë të Kinës, sipas Administratës së Këmbimit Valutor (SAFE).

Gjatë Korrikut, indeksi i dollarit që mat performancën kundër valutave kryesore ra me 0.2%. Juani, ka rënë me 6.3% kundër dollarit që prej 14 Qershorit, për shkak të tensioneve tregtare me Washingtonin, gjë që ka shtuar shqetësimet për dalje të kapitalit. Në vitin 2017, kur dalja e kapitalit morri vrull, Kina vendosi kontrolle të ashpra.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.