Rezidenca 188 milionë dollarëshe që përfshin kinema, pishinë, sallë lojërash dhe vepra arti

Në janar të vitit 2017, një rezidencë gjigante e sapondërtuar në Bel Air, një lagje të Los Angeles, doli në treg me një vlerë prej 250 milionë dollarësh. Kjo e bënte atë shtëpinë më të shtrenjtë të listuar ndonjëherë në Shtetet e bashkuara.

Këtë vit ajo ka dalë sërish në shitje, por me një çmim të reduktuar prej 188 milionë dollarësh. Është një nga shtëpitë më të shtrenjta në Amerikë dhe në fakt nuk ngjan shtëpitë e tjera në treg.

Rezidenca është e ndërtuar sipas një stili bashkëkohor, me linja të forta gjeometrike dhe xhama të mëdhenj.

Shtëpia vjen gjithashtu e mobiluar dhe përfshin një helikopter të dalë nga funksioni; një skulpturë gjigante kamere Leica, e cila është vlerësuar 1 milion dollarë; zona VIP brenda shtëpisë dhe dekorime të prodhuara nga Hermes.

Hapësirat përbëhen nga dy dhoma kryesore, 10 suita të mëdha për të ftuarit, 21 tualete, 3 kuzhina të ndara dhe plotësisht funksionare, si dhe 5 bare.

Shtëpia vjen e mbushur me art, si dhe një helikopter të dalë nga funksioni, i cili përdorej për një shfaqje televizive. Helikopteri është riveshur nga brenda dhe është një nga vendet më të mira në shtëpi për të parë perëndimin e diellit.

Salla e kinemasë ka vend për 40 njerëz dhe vjen e dekoruar me një stil James Bond 007.

Nëse doni të luani, atje ka dhe një dhomë bowling me katër pista

Kantina e verës vjen e mbushur me disa qindra shishe

Gjithashtu mund të relaksoheni në dhomën e lojërave ku ka dhe karamele, apo të bëni një masazh në dhomën spa.

Uji është një nga detajet e dizajnit të kësaj shtëpie

A.H./SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.