Riaftësim sizmik dhe rikonstruksion për godinat e Institutit të Ndërtimit! Tenderi në APP
Instituti i Ndërtimit ka shpallur tenderin për riaftësimin sizmik dhe rikonstruksionin e godinës ku zhvillon veprimtarinë e tij. Fondi limit është 68 milionë e 930 mijë lekë.
Data e mbylljes për pranimin e kërkesave për pjesëmarrje është 10 janar 2022.
Ndërtesat te cilave do iu zhvillohet projekti, janë një objekt 3 katësh dhe një objekt 1 kat në formë lineare, të ndodhur në rrugën “MYSLYM KETA”, të cilat më parë kanë qenë repart ushtarak.
“Objekti ekzistues ka disa dëmtime në muraturën mbajtëse për shkak të tërmetit. Suvatë janë të degraduara në masën 60%. Pllakat dhe shtresat po ashtu janë të dëmtuara në pjesën dërrmuese të ndërteses. Shtresat e taracës janë të degraduara dhe nuk e kryejnë më izolimin e taracës. Muret për shkak të ujrave që vijnë nga taraca, janë shumë të dëmtuara” shkruhet në dokumentet e tenderit të shpallur në Agjencinë e Prokurimeve Publike.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.