Riatdhesimi i shqiptarëve të mbetur jashtë kufijve – Rama: Gjysma e shpenzimeve të karantinës do të paguhet nga qeveria

Kryeministri vendit, Edi Rama ka njoftuar se duke filluar nga dita e sotme, e enjte 16 prill, do të hapen prenotimet për fluturimet e riatdhesimit që nisin të shtunën nga Roma.

Sipas njoftimit paketa do të jetë 100 euro për fluturimin që do të paguhen nga personi dhe 21 euro në ditë për akomodimin 14 ditor në hotel, prej të cilave 14 euro do të mbulohen nga qeveria për fjetjen e shërbimin me standardet ANTICOVID19, ndërsa vetëm 7 euro do të paguhen nga personi për ushqimin.

“Besoj se kjo paketë është mëse e arsyeshme e falënderoj AIR ALBANIAN dhe operatorët turistikë për mirëkuptimin dhe kontributin e tyre me zemër shqiptare në këtë nisëm aspak të lehtë, për situatën e ndërlikuar që po kalojmë,” shkruan Rama.

Rama bën me dije se çmimi i biletës do të variojë sipas destinacioneve, ndërsa pagesa e hotelit karantinë do të jetë fikse për të gjithë shtetasit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.