Rifillon transporti publik, qytetarët përgjegjës për mbajtjen e maskës, Memaj: “Nuk heqim dorë nga kërkesat ekonomike”
Prej 6 korrik të gjitha linjat e transportit urban dhe interurban do të fillojnë normalisht lëvizjen. Vendimi ka ardhur pas ndryshimit të protokollit të sigurisë të vendosur për frenimin e përhapjes së COVID-19, që ndër të tjera ngarkonte me përgjegjësi operatorët, në rast s qytetarët nuk mbanin maskat apo nuk ruanin distancën. Sipas protokollit të ri, tashmë do të vetë udhëtarët apo punonjësit e transportit publik që do të mbajnë përgjegjësi personale në rast të mosrespektimit të protokollit, të cilët ndër të tjera janë object kontrolli nga organet kompetente. Sipas protokollit çdo përdorues dhe punonjës i transportit publik është i detyruara të përdorë maska gjatë udhëtimit me autobus, ndërsa këshillohet mbajtja e sigurisë, ndërkohë që maska duhet mbajtur edhe gjatë pritjes në stacion. Nga an tjetër, mjetet e operimit do të duhet të dezinfektohen në mënyrë periodike, ndërsa për personelin duhet të ketë edhe dezinfektant.
Megjithatë, pavarësisht se operatorët do të rinisin aktivitetin e tyre thonë se nuk kanë hequr dorë nga kërkesat e tyre ekonomike, që lidhen me heqjen e akcizës së naftës apo uljene TVSH-së në masën 6%. Për TV SCAN kreu I Shoqatës së Transportit Urban dhe Interurban Kamëz Veri, Dashnor Memaj thotë se “ do të rifillojnë kërkesat ekonomike në institucionet përgjegjëse, deri në arritjen e disa pikave që janë e vetmja mënyrë për të kapërcyer krizën”. Po ashtu, sipas tij edhe punëtorët e trasnportit do kerkojnë pagën e dyte, prej 40 mijë lekësh, pasi deri më tani për 4 muaj bllokim të aktivitetit kanë përfituar vetëm 40 mijë lekë.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.