Rifiton pikë Dollari amerikan, rritet ndjeshëm ndaj monedhës vendase –  Nuk ka luhatje për Euron dhe Sterlinën

Tregu i këmbimit valutor është hapur ditën e mërkurë me një forcim të valutës amerikane kundrejt monedhës vendase, lekut. Referuar të dhënave të “Credins Bank,” dollari amerikan është rritur ndjeshëm me plot 0.7 pikë, për t’u ngjitur në kuotën e 110 lekëve.

Ndërkaq, paundi britanik dhe valuta e Eurozonës nuk kanë regjistruar luhatje në pikat e këmbimit valutor gjatë ditës së sotme dhe këmbehen respektivisht për 142 lekë dhe 123.2 lekë.

Sa i takon valutave të tjera, franga zvicerane është rritur sot me plot 0.5 pikë kundrejt valutës vendase, për të mbërritur në kuotën e 107.7 lekëve.

Ndërsa, dollari australian dhe ai kanadez janë evidentuar në rënie këtë të mërkurë dhe këmbehen respektivisht në pikat e këmbimit valutor për 77.2 lekë dhe 81.5 lekë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.