Rihapen kafenetë në Francë / Hiqet një pjesë e masave ndaj bizneseve. Synohet rimëkëmbja ekonomike

Franca ka rihapur baret, restorantet, muzeumet, kinematë dhe biznese të tjera këtë javë, duke synuar një rimëkëmbje ekonomike pas masave të karantinës kundër Covid-19.   Presidenti Emmanuel Macron ka shfrytëzuar heqjen e masave, duke pirë kafe me kryeminsitrin Jean Castex në një kafene në kryeqytet.   Ministri francez i Financave,  Bruno Le Maire, ka marrë gjithashtu  kafenë e mëngjesit në një bar, duke thënë se rihapja e bizneseve duhet bërë hap pas hapi.  Nga dita e mërkurë, shitësit me pakicë jo thelbësorë mund të hapen ndaj klientëve për të parën herë në 6 javë, ndërkohë që Franca heq gradualisht karantinën e tretë kombëtare në 1 vit.  Pavarësisht se pandemia ka detyruar mbylljen e qendrave të mipkritjes në të gjithë botën, për Francën, karantina ka qenë tejet e vështirë.  Francezët kalojnë më shumë kohë duke ngrënë apo pirë se sa banorët në vendet e tjera të zhvilluara, sipas Organizatës për Bashkëpunim dhe Zhvillim Ekonomik, ndërkohë që e ngrëna jashtë shihet si një pjesë e strukturës sociale. Presionet tek spitalet franceze nga koronavirusi është lehtësuar, me numrin e pacientëve në njësitë intensive që ka rënë në 4,015 në 24 orët e fundit.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.