Rihapja e kopshteve dhe çerdheve – AKU kryen mbi 270 inspektime dhe monitorime në të gjithë vendin
Trupat inspektuese të Autoritetit Kombëtar të Ushqimit kanë realizuar 274 inspektime dhe monitorime në të gjithë vendin gjatë 24 orëve të fundit, në kuadër të mbrojtjes kundër përhapjes së COVID-19.
Sipas njoftimit të AKU gjatë monitorimeve të ditës së sotme, një vend të rëndësishëm kanë zënë kopshtet dhe çerdhet të cilat kanë rifilluar aktivitetin. Sipas AKU është vërejtur se këto institucione kanë respektuar me rigorozitet të gjitha masat e marra, që nga kushtet higjieno-sanitare, dokumentacioni i duhur dhe të gjitha masat e tjera që i përkasin protokolleve të sigurisë kundër përhapjes së Covid-19.
Bazuar në Planin e Marrjes së Mostrave, janë marrë 42 mostra për monitorimin e qumështit , për analizimin e përmbajtjes së ngarkesës mikrobike dhe qelizave somatike, shkruhet në njoftim.
AKU është e pranishme çdo ditë në terren në garantim të sigurisë ushqimore dhe shëndetit të konsumatorëve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.