Riinvestoi tregtinë globale të kokainës – Vëllai i Pablo Escobar nxjerr në treg “telefonin e mençur të pathyeshëm që paloset”

Vëllai i Pablo Escobar ka nxjerr në treg ​​një smartphone të palosshëm që ai pretendon se mund të shkatërrohet vetëm nga zjarri.

Për vite të tëra, vëllai i Pablo Escobar punonte si një llogaritar në Kartelin e Medelinit. Pas  riinvestimit të tregtisë globale të kokainës Roberto Escobar, 71 vjeç, po lëshon një telefon të palosshëm të quajtur Escobar Fold 1 përmes kompanisë së tij të investimeve, Escobar Inc.

CEO i Escobar Inc. Olof Gustafsson tha se ekrani është bërë nga një plastikë që “e bën atë pothuajse të pathyeshme”, duke pretenduar se është “ekrani më i qëndrueshëm i telefonit në treg”.

Çmimet fillojnë nga 349 dollarë. Telefoni përdor sistemin operativ Android të Google. “Telefoni ynë ka kaluar në prova rigoroze,” tha Gustafsson. “E vetmja mënyrë e vërtetë për të prishur telefonin tonë është ta djegim atë, gjë që unë do ta imagjinoja që një përdorues mesatar nuk do ta bënte.”

Nga burgu tek telefonat inteligjentë

Kompania është formuar nga Roberto Escobar në 1984 si një kompani për “mbrojtjen e pasurive dhe vlerës” për vëllezërit Escobar. Roberto u dorëzua në polici në 1992 gjatë një goditjeje të Kartelit të Medelinit, dhe ai kaloi 10 vjet burg për krime të lidhura me drogën. Pas lirimit të tij, ai krijoi një turne në shtëpitë e vëllait të tij si biznes dhe dikur pretendoi se ai zbuloi gjetjen e një kurë për AIDS.

Tani, gjysmë i verbër dhe gjysmë i shurdhër nga një bombë letre që shkoi afër fytyrës së tij në burg në 1993, Roberto ka ëndërr të bëhet një prodhues i smartphone-ve duke ndjekur gjurmët e Samsung.

Nebi Xhomaqi / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.