Rikonstruksion zyrave postare në Lushnje, Berat, Fier, Mat, Lezhë, Shkodër dhe Kukës! Fondi limit rreth 76 milion lekë
Posta Shqiptare, ka vendosur të rikonstruktojë, zyrat postare të filialeve Lushnje, Berat, Fier, Mat, Lezhë, Shkodër dhe Kukës.
Projekti për rikonstruksionin e këtyre filialeve është i ndarë në dy lote, ku loti i parë përfshin rikonstruksionin e filialeve të postës së Shkodrës, Lezhës, Matit dhe Kukësit, ndërsa loti i dytë përfshin rikonstruksionin e filialeve të postës Berat, Lushnje dhe Fier.
Fondi limit i kontratës është rreth 76 milion lekë pa tvsh, i ndarë në lote.
Loti i Parë, i cili përfshin rikonstruksionin e filialeve të postës Shkodër, Lezhë, Mat dhe Kukës me fond limit rreth tridhjetë e dy milion lekë dhe loti i dytë, i cili përfshin rikonstruksionin e filieleve të postës Berat, Lushnje dhe Fier ka një fond limit rreth dyzet e tre milion lekë.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.