Rikonstruksioni Pogradec-Tushemisht, FSHZH informon për punimet në aksin që “anashkalohej” nga vendasit

Fondi Shqiptar i Zhvillimit informon lidhur me projektin e rikonstruksionit të rrugës Pogradec-Tushemisht.

“Aktualisht po punohet në ndërtimin e portaleve të 3 bokseve, gërmim dheu kasonete, si dhe shtrim i membranave gjeotekstil dhe shtresë çakëlli. Projekti po ndiqet në mënyrë rigoroze lidhur me kushtet teknike, duke zbatuar të gjithë rregullat e sigurimit teknik. 

Fondi Shqiptar i Zhvillimit në projektet e tij vë theksin në përmirësimin e infrastrukturës publike, në funksion të turizmit.

Në komunikim me qytetarët, më herët ky aks ka qenë një “pengesë” dhe shpesh përpiqej të anashkalohej nga banorët e zonës, ndërkohë për turistët një panoramë e shëmtuar për të arritur në një destinacion të kërkuar turistik.

Sot, drejt transformimit për të shijuar të gjithë udhëtimin paralel me liqenin e Ohrit, duke ndikuar në rritjen e frekuentimit të qytetarëve vendas dhe të huaj e rrjedhimisht në rritjen e ekonomive familjare dhe lokale të zonave të përfshira” njofton FSHZH.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.