Rikthehen fundjavat e mbyllura në Shqipëri? A do të jetë kjo masa e re për parandalimin e përhapjes së COVID?
Shqipëria ka njohur ditët e fundit një rritje të fortë të rasteve të infektimeve me virusin COVID-19 e gjithashtu edhe një rritje të lartë të numrit të vdekjeve. E marta e kaluar shënoi bilancin më tragjik ditor me 19 viktima në një ditë.
Deri më tani janë marrë disa masa, mes të cilave mbyllja pas orës 22:00 të mbrëmjes deri në 06:00 të mëngjesit.
Në daljet publike, Komiteti Teknik i pandemisë ka njoftuar se masat do të jenë në proporcion me ecurinë e situatës së pandemisë.
E në këto kushte, nuk përjashtohet mundësia që të rikthehet mbyllja e fundjavave sikurse ndodhi në muajt e pranverës ku nga dita e premte në darkë deri të hënen në mëngjes nuk lejohej lëvizja e njerëzve, as brenda qytetit dhe as mes qyteteve, me përjashtim të rasteve të emergjencave.
Burime pranë qeverisë i thanë SCAN se ekziston mundësia që shumë shpejt një masë e tillë të rikthehet për t’u aplikuar si masa parandaluese për përhapjen e pandemisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.