Rikthehen reshjet e shiut në të gjithë vendin – IGJEUM: Në Veri dhe Lindje priten edhe reshje dëbore
Ditën e hënë në të gjithë vendin pritet shtim i intensiteti të reshjeve. Sipas parashikimit të Institutit të Gjeoshkencave, Energjisë, Ujit dhe Mjedisit në shumicën e qarqeve reshjet do të arrijnë deri në mesatare, ndërkohë në qarqet e Vlorës dhe Gjirokastrës do të arrijnë lokalisht deri intensive. Po ashtu, reshjet do të shoqërohen edhe me shtrëngata.
Në Veri dhe Lindje të vendit, në zonat mbi 400 m mbi nivelin e detit, sipas IGjEUM, reshjet pritet të jenë edhe në formën e dëborës. Ndërkohë, të hënën temperaturat minimale dhe maksimale të ajrit pritet të arrijnë:
në bregdet: 6 / 12 °C
në vendet e ulëta: 4 / 8 °C
në vendet malore: -4 / 5 °C
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.