Rikthehet në “skenë” City Park – Qendra Tregtare kërkon në gjykatë shuarjen e borxhit doganor
Pesë vite pasi shpalli falimentin, Qendra Tregtare City Park ka trokitur përsëri në dyert e gjyqësorit: kësaj për të kërkuar shuarjen e borxheve doganore.
Përmes një padie zyrtare në Gjykatën Administrative, City Park kërkon shfuqizimin e borxheve të vendosura nga doganat përmes dy vendimeve në vitin 2013.
Që nga viti 2013, kjo qendër tregtare është në procedurë falimenti dhe duket se me shuarjen e detyrimeve doganore, shoqëria kërkon të lehtësojë disi detyrimet e shumta financiare.
Kompania u detyrohet paktën tre bankave huadhënëse, ashtu si dhe disa kreditorë të tjerë jobankarë.
Ndërkohë që janë disa shoqëritë përmbarimore që prej vitesh përpiqen të marrin ç’të mundin nga asetet e saj.
Më 4 mars të vitit 2015, një prej shoqërive përmbarimore tentoi shitjen e dy objekteve me një sipërfaqe totale 43,121 metra katrorë dhe e truallit dhe arës me sipërfaqe totale prej rreth 90 mijë metra katrorë.
Çmimi fillestar për shitjen e kësaj qendre tregtare ishte planifikuar të niste 24.48 milionë euro. Por kompania pretendoi se vlera minimale e caktuar për shitje ishte tre herë më e ulët se vlerësimi i pasurisë në bilancin e kompanisë.
Përfaqësuesit e City Park paraqitën një kërkesë për shtyrje të afatit të pagesave ndaj kreditorëve, të cilën e Gjykata e kishte pranuar duke sjellë kështu dështimin e ankandit.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.