Rikthimi i vizave, Ambasada Holandeze në Tiranë shpjegon çfarë do të ndodhë

Pas publikimit të letrës që qeveria holandeze i ka dërguar komisionerit të BE, Dimitris Avramopoulos, ka reaguar edhe Ambasada Holandeze në Tiranë duke shpjeguar atë çka do të ndodhë me lëvizjen e shqiptarëve drejt Holandës.

Ambasada konfirmon se deri në një njoftim tjetër, politika e vizave për nënshtetasit shqiptarë do të mbetet e njëjtë, pra qytetarët shqiptarë mbajtës të një pasaportë biometrike nuk kanë nevojë për viza për të udhëtuar në zonën Shengen, me një maksimum prej 90 ditësh brenda një periudhe 180 ditore.

“Holanda e vlerëson bashkëpunimin konstruktiv dhe të vazhdueshëm me qeverinë dhe autoritetet shqiptare në luftën kundër krimit të organizuar. Të dyja vendet po punojnë në fuqizimin e mëtejshëm të këtij bashkëpunimi,” përmbyll njoftimin ambasada.

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.