Rinovimi i kartave të identitetit/pasaportave – Lleshaj: Neglizhenca mund të krijojë probleme në marrjen e shërbimeve

“Neglizhenca për të kryer detyrimin e pajisjes me dokumentet bazë të identifikimit mund të krijojë probleme për marrjen e shumë shërbimeve të rëndësishme, që nga udhëtimet jashtë vendit e të tjera.”

Kështu është shprehur ministri i Brendshëm, përmes një postimi në profilin e tij në rrjetin social ‘Facebook’, lidhur me pajisjen e mjeteve të identifikimit (karta identiteti/pasaporta) për qytetarët që u skadojnë në gjysmën e parë të këtij viti.

Ndërsa e ka cilësuar këtë prioritet të ministrisë, Lleshaj ka shkruar më tej zyrat e Gjendjes Civile janë në dispozicion të qytetarëve për t’i informuar dhe ndihmuar ato.

“Institucionet do të kushtëzojnë dhënien e shërbimeve, për personat që janë në muajt e fundit të vlefshmërisë së dokumenteve, me paraqitjen e vërtetimeve mbi aplikimin për dokumentin e ri. Ndaj lutem, verifikoni dokumentet e identitetit dhe mos harroni t’i bëni shërbimin e duhur vetes!”

SCAN

Hapat/ Si do të rinovohen 1.4 milion karta identiteti të skaduara! Flet kreu i Gjendjes Civile, Doracaj: Ku mund të aplikojnë emigrantët

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.