Rinovimi i muzeve të Gjirokastrës – FSHZH informon mbi situatën aktuale të punimeve (FOTOT)

Përmirësimi dhe Rinovimi i Sistemit të Muzeve në Qytetin e Gjirokastrës”, është një projekt që po zhvillohet në kuadër të “Programit për Zhvillim të Integruar Urban dhe Turizmin” dhe që financohet nga Banka Botërore dhe zbatohet nga Fondi Shqiptar i Zhvillimit.

Sipas njoftimit të FSHZH aktualisht punimet janë duke vazhduar me ritme të mira. Në Muzeun Etnografik punimet janë përqendruar në restaurimin dhe suvatimin e mureve, rrjetin elektrik si dhe rikonstruksionin e çative.

FSHZH bën me dije se aktualisht po vazhdojnë gjithashtu punimet e sistemimit, shtrimit me kalldrëm, shtrimit të pllakave me shkrime në pikat panoramike të shtegut “Eduart Lear” pranë banesës Topulli dhe Obeliskut.

“Çdo sokak, shesh, lagje, etj. në Gjirokastër mbart vlera të jashtëzakonshme historike dhe kulturore dhe pikërisht për këtë arsye mjeshtrat e gurit po trajtojnë çdo element me kujdes qofte në paraqitje, materiale apo edhe teknika të përdorura”, shkruhet në njoftim.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.