Riorganizim sistemit shëndetësor, Manastirliu: Po hartojmë skemë të re për të përmirësuar shërbimin
Ministria e Shëndetësisë dhe Mbrojtjes Sociale po harton një skemë të re për organizimin e sistemit shëndetësor parësor, spitalor dhe urgjencës, i cili synon përmirësimin e shërbimit në 61 bashkitë e vendit.
Gjatë raportimit pranë grupit parlamentar të Partisë Socialiste për 6-mujorin e parë të mandatit, ministrja Ogerta Manastirliu tha se ky riorganizim është i domosdoshëm, duke ofruar një qasje më efiçente në burimet njerëzore dhe ato financiare.
Manastirliu bëri me dije dhe 3 objektivat e Ministrisë së Shëndetësisë dhe Mbrojtjes Sociale.
Gjithashtu, Manastirliu tha se Shërbimi i Urgjencës Kombëtare po ristrukturohet, duke synuar dhënien e shërbimit nëpërmjet qendrës së Koordinimit në të gjithë vendin.
Paraprakisht ky proces kërkon shtimin e flotës së autoambulancave me ekipin mjekësor përkatës.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.