Ripple arrin rekord të lartë dhe kapitalizim tregu prej më shumë se 110 miliardë dollarë
Ripple, monedha e dytë digjitale më e madhe në botë, goditi me një rekord të lartë, duke arritur në vlerën 2.52 dollarë, sipas të dhënave të Crypto Compare, që pasqyron edhe çmimin e kripto-valutave të ndryshme. Monedha digjitale kaloi nivelin më të lartë të të gjitha kohërave në 2.44 dollarë më 30 dhjetor të vitit 2017.
Sipas CryptoCompare, Ripple ka parë rritjen e çmimeve me mbi 124 për qind në një javë, ndërkohë që është rritur me 39.600 për qind në një vit. Ndryshe nga Bitcoin, Ripple ka sy synim kryesor ndërmarrjet. Sipas shefit ekzekutiv të Ripple, Brad Garlinghouse, ky shërbim pagesash dëshiron të punojë me bankat.
Ripple, ose XRP tani ka një kapitalizim tregu prej 112 miliardë dollarësh dhe mbetet solid në vendin e dytë pas Bitcoin, i cili ka një vlerë tregu prej rreth 255 miliardë dollarësh, sipas CoinMarketCap.
Aktualisht, një pagesë ndërkombëtare mund të marrë disa ditë për të përfunduar dhe për më tepër me një kosto të lartë. Transaksione të ndryshme, të tilla si ato që mund ët paguajë Facebook për krijuesit e aplikacioneve, për shembull, mund të jenë të shtrenjta dhe të padobishme për bankat, sepse duhet shumë përpjekje për të lëvizur paratë dhe përqindja nuk është aq e lartë sa për transaksionet e mëdha.
Ripple po përpiqet të zgjidhë këtë problem nëpërmjet teknologjisë së saj. Monedha digjitale Ripple XRP mund të përdoret nga ndërmarrjet për të marrë likuiditet të menjëhershëm të nevojshëm në një transaksion me vlerë të lartë, pa pasur nevojë për të bërë pagesë taksash.
XRP vepron si një urë gjatë transaksionit, që sipas Ripple, këto të fundit mund të zgjidhen në vetëm 4 sekonda, më shpejt se çdo kriptovalutë tjetër.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.