Rishikohet paga minimale? – Denaj: Hendek i lartë midis privatit dhe shtetit
Punonjësit në subjektet private “vuajnë” një diferencë të pagës minimale në 25 për qind më pak krahasuar me punonjësit në administratën shtetërore.
Ky hendek është vënë në dukje edhe nga Ministrja e Financave dhe Ekonomisë, Anila Denaj, e cila theksoi se përmes rezultateve të luftës ndaj informalitetit, ka hapësirë që të shkohet drejt barazimi. Aktualisht paga minimale në sektorin privat është 26 mijë lekë në muaj, ndërsa rritja e saj ka qenë një kërkesë e përhershme e sindikatave.
Ministrja Denaj ka drejtuar mbledhjen e radhës të Këshillit Kombëtar të Punës, ku fokusi kryesor ka qenë lufta ndaj informalitetit.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.