Rishikohet taksa mbi truallin? – “Detyrohen” bashkitë, objektiv rritja e të ardhurave

Qeveria ka hedhur për konsultim planin e veprimit për decentralizmin dhe qeverisjen vendore duke vendosur objektiva të qarta për të 61 bashkitë të cilat duhet të realizohen deri në vitin 2022.  Konkretisht, bashkive u kërkohet që të rrisin të ardhurat, të zbatojnë sistemi e ri të taksës së pasurisë, të hartojnë një ligj specifik për taksën e ndërtesës në bazë vlere si dhe të përfundojnë kadastrën fiskale vendore, e cila është një ndër problemet kryesore për vjeljen e taksës së pronës me metodologjinë e re.

Po ashtu, deri vitin e ardhshëm kanë afat që të rishikojnë dhe ripërcaktojnë taksën mbi truallin urban dhe të konsolidojnë e qartësojnë kuadrin ligjor për taksat dhe tarifat vendore. Pushtetit vendor i kërkohet gjithashtu  rritja e shpërndarjes së taksave të ndara kombëtare dhe zbatimi i tatimit të ndarë të të ardhurave personale. Këto objektiva strategjikë kanë si qëllim forcimin e financave vendore dhe autonomisë lokale, duke mos i bërë bashkitë të “varura” nga transferta e pakushtëzuar e buxhetit të shtetit.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.