Risi në Airbus – Korporata emëron liderët e rinj
Airbus ka emëruar drejtorin e financave të industrisë gjermane Infineon Technologies, Dominik Asam, si shefin e saj të ardhshëm financiar për të zëvendësuar gjermanin Harald Wihelm, i cili do të japë dorëheqjen vitin e ardhshëm. Asam, i cili është gjithashtu një ekzekutiv i Siemens, do të marrë përsipër postin më 1 prill 2019, është thënë në një deklaratë sipas Reuters.
Airbus gjithashtu emëroi Michael Schoellhorn si shefin kryesor operativ për biznesin e avionëve të saj komercial, duke zëvendësuar Tom Williams i cili do të dalë në pension në fund të këtij viti. Reuters raportoi se prodhuesi i avionëve ishte gati të bënte emërime të larta financiare dhe operacionale CEO i ardhshëm Guillaume Faury po shtrëngon kontrollin e tij pas disa muajve të trazirave mbi hetimet e korrupsionit dhe vonesat e prodhimit.
E.T/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.