Risi teknologjike e bankave – Testohet pajisja që përdor shenjat e gishtave për të bërë pagesa
Mënyra se si bankat po ndryshojnë, përfshirë aplikacionet celulare dhe pagesa pa kontakt janë bërë të njohura. Banka amerikane NatWest ka krijuar një pajisje të vogël teknologjike e cila përdor teknologjinë biometrike të shenjave të gishtërinjve për të bërë pagesa.
Në një njoftim, banka tha se 250 klientë do të marrin pjesë në testimin e pajisjes, i cili do të zgjasë tre muaj dhe testi do të zhvillohet në një prej bankave në Mbretërinë e Bashkuar.
Pajisja me madhësi më të vogël se një çelës funksionon me çip dhe PIN dhe do t’u mundësojnë përdoruesve të kryejnë transaksione pa kontakt deri në 100 £, sipas NatWest.
Risitë bankare vijnë si rrjedhojë e përshtatjes së klientëve pasi numri i pagesave pa kontakt në vitin 2018 arriti në 7.4 miliardë vetëm në Mbretërinë e Bashkuar, një rritje prej 31% nga viti 2017.
Ndërsa ekziston interes për zhvillimin e teknologjive të pagesave biometrike, ekzistojnë shqetësime edhe përgjatë tremujorit, veçanërisht kur bëhet fjalë për privatësinë dhe sigurinë. (CNBC)
Nebi Xhomaqi / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.