Risitë e Kodit të ri Zgjedhor – Kume: Do kemi disa ndryshime, por votimet e vitit 2021 do jenë si të mëparshmet
Ndërsa palët kanë gjetur gjuhën e përbashkët mbi një draft përfundimtar për reformën zgjedhore, i cili duhet të depozitohet në komisionin e posaçëm parlamentar deri të martën, Ish Kreu i KQZ-së Kristaq Kume thotë se ndryshimet janë larg pritshmërive përfundimtare për këtë reformë. Sipas Kumes, i cili aktualisht është Këshilltar i Grupit Parlamentar të Opozitës, gjithsesi, ndryshimet nuk do sjellin përmirësime të dukshme në cilësinë e zgjedhjeve të vitit 2021, të cilat do të jenë për sa i përket standardeve të ngashme me të mëparshmet.
Tashmë është zbardhur drafti përfundimtar i miratuar me konsensusin e palëve në Këshillin Politik, ku rregullohen datat e zgjedhjeve, roli i KQZ-së, Komisionit të Ankimimeve e Sanksioneve, si dhe ndalimi i uljes së taksave apo rritjes së pagave 4 muaj nga data e votimeve.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.