Risitë e Targave të Provës – DPSHTRR: Ndryshimet i japin fund abuzimit

Prej 1 shkurtit ka nisur dhënia e Targave të Provës me procedurë të re, me regjistër të veçantë dhe në sistem. Drejtoria e Përgjithshme e Transportit Rrugor ka sjell një sërë risish për këto targa, të cilat sipas saj i japin fund evazivitetit si dhe abuzimit.

Ato përfshijnë konkretisht:

• Librin që zbardh Lëvizjen me Targë Prove, është mbi parimin kush lëviz më pak paguan më pak.
• Aplikim online në Sistem
• Rritet numri i Targave të Provës sipas nivelit të aktivitetit, llojit të Licencës në 1, 2 deri në 5 targa për subjekt
• Fund evazivitetit dhe abuzimit, nga tani beso- kontrollo
• Zgjidhet dilema e tarifes së TPL

Përmes këtyre ndryshimeve, synohet lehtësimi i kontrollit nga Policia Rrugore dhe nga Task Forca e Transportit Rrugor, si dhe zgjidhet problemi i vjetër i autorizimit të kufizuar vjetor duke e bërë automatikisht të rinovueshme të drejtën e përdorimit me blerjen e Librit të Lëvizjes.

Po ashtu, kjo rrit të drejtën e përdorimit nga çdo i autorizuar/punësuar/vartës i subjektit, disiplinon në vetvete lëvizjet me këtë targë duke u bazuar te vetëdeklarimi në Librin që shoqëron targën në automjet dhe i jep seriozitet vetë Targës së Provës për një mbulim të plotë këtej e tutje me TPL nga siguracionet.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.