Rivlerësimi dhe taksa e pasurisë – Haxhimali: Shtyrja e afatit, ndikim negativ. Mungojnë të dhënat për pronat

Shtyrja e afatit të rivlerësimit të pasurive për banesat deri në fund të prillit 2022, i jep një mundësi tyë dytë qytetarëve për të përfituar rritjen e vlerës së pronës duke paguar tatim të zbritur prej 3 %.   Në një intervistë për SCAN, Drejtori Ekzekutiv i Shoqatës së Bashkive të Shqipërisë, Agron Haxhimali, shprehet se përpos anës pozitive, shtyrja e afateve ndikon negativisht tek qytetarët.

Nga ana tjetër, ligji për taksimin e pasurive edhe pse ka hyrë në fuqi në vitin 2018, ende nuk po aplikohet nga të gjitha bashkitë në vend. Kjo lidhet me shkaqe të ndryshme, që nga mungesa e kadastrës fiskale deri tek mungesa e të dhënave bazike për ndërtesat.

Taksa e pasurisë është zëri që mban peshën më të madhe në të ardhurat e pushtetit vendor. Mbledhja e plotë e kësaj takse sipas vlerës së tregut do ti jepte më shumë frymëmarrje financiare bashkive dhe më shumë pavarësi ndaj qeverisë qendrore.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.