Rradhëve të gjata në aeroport do t’iu vijë fundi – Delta investon në sistemin e njohjes së fytyrës
Delta është duke investuar në një sistem për njohjen e fytyrës i cili do ta bëjë kontrollin e bagazhit tuaj në aeroport dy herë më shpejt.
Një makinë vetëshërbimi për marrjen e bagazheve do të përdorë teknologjinë e njohjes së fytyrës për të përshtatur pasagjerët me fotot e tyre në pasaportë.
Pasagjerët do të skanojnë pasaportat e tyre dhe më pas njohja e fytyrës do të hetojë fytyrat për të verifikuar identitetin e tyre. Më pas ata mund të marrin çantat e tyre dhe të vazhdojnë me hapin tjetër.
“Ne presim që ky investim dhe procesi i ri t’i kursejnë kohë konsumatorëve” tha në një deklaratë nënkryetari i Deltës për shërbimin ndaj klientëve dhe bagazheve.
Linja ajrore po shpenzon 600,000 dollarë për katër makina në Minneapolis-St. Paul edhe pse vetëm njëra nga këto makina do të jetë e pajisur me teknologjinë e njohjes së fytyrës.
Delta pret të mbledhë reagime gjatë kësaj periudhe prove përpara se të vendosë nëse do ta zgjerojë më tej sistemin apo jo.
Edhe pse avokatët e privatësisë debatojnë për implikimin e njohjes së fytyrës në aeroporte, Delta thotë se nuk do të ruajë informacione apo imazhin e fytyrave nëpër këto makina.
Është hera e parë që Shtetet e Bashkuara do të përdorin njohjen e fytyrës për diçka tjetër përveçse qëllimit të sigurisë.
Njohja e fytyrës u shfaq për herë të parë për sigurinë e aeroportit të Dulles në mars të vitit 2015. Patrulla kufitare në aeroportin ndërkombëtar John F Kennedy të New York instaluan një sistem për njohjen e fytyrës në Janar 2016.
Më pas edhe British Airways filloi të skanonte fytyrat në aeroportin e Londrës, duke bërë kështu që pasagjerët të merrnin aeroplanët e tyre pa paraqitur asnjë dokumentacion.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.