Rregulla të ashpra për plazhet – Klosi: VKM për sezon të suksesshëm. Zgjedhjet e qershorit të mos ndikojnë

Ashpërsohen rregullat dhe kriteret për  organizimin dhe marrjen e plazheve me qira. Në mbledhjen e 9 të këshillit konsultativ, Ministri i  Turizmi dhe Mjedisit Blendi Klosi prezantoi risit që sjell vendimi i Këshillit të ministrave për stacionet e plazhit i ndryshuar  lidhur me sigurinë , pastërtinë  dhe mikpritjen për të paraprirë sipas tij një sezon të suksesshëm turistik.

Klosi u kërkoi krerëve të bashkive që fushata elektorale për zgjedhjet lokale të qershorit të mos ndikojë në mirëmanaxhimin e sezonit turistik

Ministri i turizmit dhe Mjedisit sqaroi se po  tentohet të sanksionohet me ligj manaxhimi i plazheve  ku 80% e tyre  do të  jetë privat dhe 20% publik, ndërsa  bashkitë kanë afat deri në 31 mars për  të vendosur lidhur me kontratat,  pas kësaj datë  plazhet  do të kalojnë në mënyrë automatike  për publikun.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.