Rregullat për vizë turistike në SHBA, Ambasada: Nuk ju kërkohet më garancia nga sponsori
Për ata që duan të aplikojnë për vizë turistike, Ambasada Amerikane në Tiranë ka një njoftim të rëndësishëm. Ky njoftim është publikuar në rrjetin social “Facebook” ku Ambasada jep një këshillë mbi përfitimin e kësaj vize. Sipas Ambasadës së SHBA-ve, tashmë nuk duhet garancia nga sponsori.
“Ja dhe këshilla mbi vizat për këtë javë: Nuk na duhet garancia nga sponsori kur aplikoni për vizë turistike (të kategorisë B1/B2) – kështu që lëreni garancinë në shtëpi! Jemi në pritje të bashkëbisedimit me ju sot dhe përgjatë javës!”, thuhet në njoftimin në Facebook.
Më tej përfaqësues të Ambasadës i janë përgjigjur lexuesve në “Facebook”, duke shkruar se i vetmi dokument që i duhet aplikantëve është DS 160.“Gjatë intervistës ju duhet të tregoni lidhjet e forta me Shqipërinë”.
Gjithashtu, përfaqësues të Ambasadës thonë se “Për ditën e intervistës duhet fleta e konfirmimit, pasaporta juaj dhe një fotografi 5X5”. Ndërkohë hapat e aplikimit i gjeni në faqen zyrtare duke klikuar këtu:
“Sa më pëlqen pranvera në Tiranë; aroma e mimozave të lulëzuara është kaq e mrekullueshme! Unë dhe Keni mezi po presim t…
Posted by U.S. Embassy-Tirana on Thursday, March 2, 2017
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.