Rregullatorët e BE për bankat – SRB, afat 4-vjeçar bankave të mëdha për të rritur kapitalin e detyrueshëm
Rregullatorët e Bashkimit Europian kanë vendosur t’i japin një afat kohor prej 4 vitesh bankave të mëdha të Eurozonës për të rritur kapitalin mbrojtës, duke caktuar kështu rregulla të ashpra që disa huadhënës mund të hasin vështirësi në përputhje.
Nën rregullat e reja që synojnë reduktimin e kostos së taksapaguesve në krizat bankare, huadhënësit e Eurozonës duhet të emetojnë një sasi të mjaftueshme të borxhit që do të reduktohet në vlerë, për të absorbuar humbjet nëse dështojnë.
Këto mbrojtës nuk kanë qenë specifikuar deri më tani, duke i dhënë bankave më shumë kohë për të mbuluar nevojat e reja të financimit, që janë vlerësuar në rreth 186 -276 miliardë euro.
Kjo është një detyrë sfiduese për sektorin e goditur nga rënia e besimit ndërkohë që qindra miliarda euro janë shpenzuar nga qeveritë për të shpëtuar huadhënësit gjatë periudhës së krizës të Eurozonës.
Megjithatë, rregullatorët e Bashkimit Europian kanë vendosur tashmë objektiva të detyrueshëm për 35-40 banka, tregojnë burime për Reuters.
Gjetja e kreditorëve nuk do të jetë e lehtë ndërkohë që investitorët e vegjël humbën kursimet e tyre në obligacione në shpëtimit e fundit të bankave në Itali dhe Portugali.
Bordi i Rezolutës së Përbashkët, një nga shtyllat e unionit bankar të BE, ka 142 banka nën përgjegjësi, megjithatë, huadhënësit e vegjël do të jenë subjekt i objektivave të detyrueshëm në një periudhë më të vonë.
Bankave më të mëdha të bllokut, të konsideruara sistematike në nivel global, si Deutche Bank, BNP Paribas dhe Unicredit, i është kërkuar që të arrijnë objektivat e kapitalit të detyrueshëm deri në 2019-ën, nën rregullat ndërkombëtare.
Institucionet e tjera të konsideruara në vendimin e Bordit të Rezolutës së Përbashkët, do të kenë një afat 4-vjeçar për të arritur objektivat.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.