Rreth 2 ton ilaçe kontrabandë – Arrestohet 1 punonjëse azili dhe shpallet në kërkim shefi i Shërbimeve të Kujdesit Shëndetësor

Policia e Shtetit njofton se ka finalizuar operacionin policor i koduar “Ndihmat”, në kuadër të të cilit u sekuestrua një sasi e konsiderueshme medikamentesh kontrabandë dhe u arrestua shtetasja: A. B., 56 vjeçe, lindur ne Mat dhe banuese në Itali, punonjëse sociale në një institucion privat për kujdesin ndaj të moshuarve në Itali si dhe u bë shpallja në kërkim e shtetasit A. P., 33 vjeç, banues në Lezhë, me detyrë shef i Shërbimeve pranë Njësisë Vendore të Kujdesit Shëndetësor Lezhë.

Specialistët e Hetimit  të Krimit Ekonomik e Financiar, në bashkëpunim me specialistët e Hetimit Doganor në Degën e Doganës Durrës, kanë ndaluar për kontroll një automjet brenda të cilit ndodheshin një sasi medikamentesh mjekësore të ngarkuara në një depo për grumbullimin e ndihmave humanitare në Firence, Itali, me qëllim transportimin e tyre në Shqipëri, me pretendimin se janë ndihma humanitare për një shoqatë në qytetin e Lezhës.

Materialet i kaluan Prokurorisë Pranë Gjykatës së Shkallës së parë Durrës në ngarkim të shtetasve A. B. dhe A. P., si te dyshuar për kryerjen e veprave penale “Kontrabanda me mallra të licencuara” dhe “Shpërdorim detyre”.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.