Rrezik i paralizës faciale pas CoronaVac – Lancet: Përgjithësisht i ulët. Nuk duhet të ndalojë vaksinimin

Rreziku i paralizës faciale, të ashtuquajtur paraliza e Charles Bell, është më e lartë pas marrjes së vaksinës kineze CoronaVac, por nuk duhet të ndërpesë vaksinimin, sipas nëj studimi të publikuar nga prestigjozja mjekësore “Lancet”.

“Përfitimi nga efektet mbrojtëse të vaksinës së Covid tejkalojnë bindshëm rrezikun e këtij efekti anësor”- thekson studimi.  Ky i fundit përshiu 28 raste të konfirmuara klinike të paralizës faciale të Bell-it, pas vaksinës së Sinovac, të raportuar ndër 452,000 individë që morën dozën e parë të vaksinës, si dhe 16 raste pas vaksinës së Pfizer, tek mbi 537,000 individë.

“Zbulimet tona sugjerojnë një rritje të përgjithshme të rrezikut të paralizës faciale pas vaksinimit me CoronaVac”- shkruhet në studim.  Hulumtimi, i peformuar në Hong Kong, vlerësoi rrezikun e efekteve anësore brenda 42 ditëve të vaksinimit.

Mekanizmi i paralizës faciale tek pacientët pas vaksinimit është i paqartë, sipas studimit, që bëri thirrje për më tepër hetim.  “Paraliza e Bell-it pas vaksinimit është e rrallë dhe shumica e simptomave janë të lehta dhe u përmirësuan vetë”- tha pëfaqësuesi i Sinovac, Liu Peicheng. Ai shtoi se Sinovac nuk ka zbuluar rrezik të paralizës së muskujve të fytyrës në analizën e të dhënave nga autoritetet kineze të kontrollit të sëmundjeve, Organizata Botërore e Shëndetësisë, apo databaza e njësisë së vetë, pas imunizimit.

Klevis Llaha/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.