Rreziku nga ashensorët pas tërmetit – Llupo: Në zonat më të prekura të evitohet, në Tiranë verifikim pas çdo lëkundje mbi 5 ballë
Inspektorati Shtetëror i Mbikëqyrjes së Tregut i kërkon qytetarëve, në zonat më të prekura nga tërmeti i fuqishëm i 26 nëntorit të shmangin përdorimin e ashensorëve. Në një prononcim telefonik për TV SCAN, kreu i ISHMT-së, Julian Llupo thotë se në zonat e tjera ku goditjet kanë qenë më të lehta, sikurse është Tirana, qytetarët duhet të kërkojnë nga instaluesit që të kryejnë verifikimin e çdo pajisjeje.
Llupo shpjegon rrezikshmërinë e përdorimit të ashensorit pas goditjeve të çdo tërmeti që konsiderohet i fortë apo thënë ndryshe mbi 5 ballë.
Pas tërmetit të fuqishëm të 26 nëntorit, ISHMT ka bllokuar të gjithë ashensorët në zonën e Durrësit, ndërkohë që në Tiranë operohet me procese verifikimi pas çdo lëkundjeje të fortë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.